Viewport width =
July 27, 2009 | by  | in Features | [ssba]

Hui Whakapūmau

Ko hea ko hea tērā maunga e tū mai ra
Ko Tararua, ko Tararua
Ko hea, ko hea tēnei maunga e tū mai nei
Ko Ahumairangi
Ko Ahumairangi
Nekeneke mai
Nukunuku mai
Ki taku tauaro kikini ai
Hi! Hi! Hi! Ha!

I te rā rua tekau mā tahi o Haratua ka tū te Hui Whakapūmau mō ngā tauira kua tūtuki i ngā tohu o te Whare Wānanga o te Ūpoko o te Ika a Māui. I te ata rā ka tū te pōhiri ki Te Herenga Waka Marae ki te karanga atu ki ngā whānau o aua tauira. Kī tonu te marae i ngā tāngata. Kino kē te pōhiri rā! Tau kē te manaakitanga me te aroha. He mihi nunui ki a Te Herenga Waka Marae mō tō rātou manaakitanga me te aroha. I te pō rā ka haere ngā tauira ki te Michael Fowler Centre mō te whakapōtaetanga. I reira ka haka te kapahaka o Te Herenga Waka Marae, ko tērā tētahi mea whakahirahira o te whakapōtaetanga mō ngā paetahi.

Waihoki, ka tū a George Ruka i runga i te amohanga kia whakapōtae, ā, ka karanga atu ia ki tōna Māmā, “Kia ora Mum!” Ka katakata te katoa!! Nō muri i te whakapōtaetanga ka haere ngā tauira ki te kanikani ki te Hōtēra Bristol. Nā Ngāi Tauira te kanikani i whakahaere. He pai rawa atu te kanikani rā ki ngā tauira. Ao ake i te ata, he mamae hoki ngā mahunga o ngā tauira!!

Me mihi atu anō ki ngā tāngata i whakahaere i te Hui Whakapūmau. Kore he painga i a koutou mō te manaakitanga me te aroha. Hai whakamutunga, tika noa atu kia mihi tātou ki ngā tauira kua eke ki te taumata o te mātauranga. Mau ana te wehi i ngā tauira nei. Nā reira, kei te mihi, kei te mihi.

Ko ngā tauira kua whakapōtaetia i te Haratua rā:

Jazmin Elkington: Tohu Māoritanga
Darcy Sullivan: Bachelor of Arts
Challen Wilson: Bachelor of Arts
Moana Whenuaroa: Bachelor of Education (Teaching) Primary
Peata Williams: Bachelor of Laws, Bachelor of Arts
Te Rangimārie Williams: Bachelor of Laws
Rama Chadwick: Bachelor of Laws
Horiana Irwin: Bachelor of Laws, Bachelor of Arts
Mihiarangi Piripi: Bachelor of Laws
Taryn Tuari: Bachelor of Laws
Hamish Duncan: Graduate Diploma of Teaching (Secondary)
Rhiannon Harris: Graduate Diploma of Teaching (Secondary) Bachelor of Commerce
Maiea Ruawai-Hamilton: Graduate Diploma of Teaching (Secondary)
Ohinemuri Sullivan: Graduate Diploma of Teaching (Primary)
George Ruka: Bachelor of Laws with Honours (First Class)
Te Atawhai Kumar: Bachelor of Arts with Honours (First Class)
Hone Hikitia Te Rangi Waititi: Bachelor of Science with Honours (First Class)
Adrienne Donnelly Kara: Master of Arts (Applied)
Tane Waetford: Master of Laws
Venus Wallace Ihakara: Master of Education

[ssba]

About the Author ()

Comments (3)

Trackback URL / Comments RSS Feed

  1. Muri says:

    He mihi nui tēnei kia ratou ngā kaiwhakahaere i hautū tēnei rā pai rawa atu. Arā, kahore he rā tu atu i tēra. Mai i te tīmatatanga ki te whakamutunga i whakamanamana rātou i a mātou katoa,ā, ko ngā tauira me te tini me te mano i tae atu hei whakanui i tēnei rā. No reira ki te whānau o Te Herenga Waka tena koutou katoa, kei runga noa atu te whānau.

  2. Venus says:

    Kia ora koutou,
    ka tautoko au i nga korero o Muri. Taku miharo hoki ki nga kaiwhakahaere o te ra me te ahei hoki te whangai atu i nga tamariki katoa o toku nei kura i tae atu ki te tautoko i te ra. Tena rawa atu koutou! I reira ka kite atu i tenei mea ko te manaakitanga e ora tonu ana…nga mihi

  3. Ranipari says:

    Maiea Ruawai-Hamilton is the maaaan :)

Recent posts

  1. VUW Halls Hiking Fees By 50–80% Next Year
  2. The Stats on Gender Disparities at VUW
  3. Issue 25 – Legacy
  4. Canta Wins Bid for Editorial Independence
  5. RA Speaks Out About Victoria University Hall Death
  6. VUW Hall Death: What We Know So Far
  7. FANTA WITH NO ICE
  8. New Normal
  9. Come In, The Door’s Open.
  10. Love in the Time of Face Tattoos

Editor's Pick

Uncomfortable places: skin.

:   Where are you from?  My list was always ready: England, Ireland, Scotland, Wales, puppy dogs’ tails, a little Spanish, maybe German, and—almost as an afterthought—half Samoan. An unwanted fraction.   But you don’t seem like a Samoan. I thought you were [inser

Do you know how to read? Sign up to our Newsletter!

* indicates required