Ko Ahumairangi te maunga

Ko Ngā Mokopuna te wharekai

Ko Te Tumu Herenga Waka te wharenui

Ko Te Herenga Waka te marae

Ko Ngāi Māori te iwi

Ko Te Herenga Waka tō tātou marae i te whare wānanga nei. He whare wānanga i ngā kaupapa katoa o te ao e noho nei tātou, he tāhūhū kōrero anō mō ngā kōrero o nehe. E kīia ana ma ngā tauira e kuhu atu ana ki tōna poho e whakaara ake ōna pou, kei reira anō te hunga e kōrerotia nei hei toko ake i tōna tāhūhū tau ake nei, tau ake nei.

Koia mātou ngā mata o te whānau o Te Herenga Waka e poipoi ana i a koutou ngā manu taiko o te whare wananga. Koutou rā e tātao ana te nukuroa o nga kete o te wanaga, te kete tuauri, te kete tūatea, ā, te kete aronui.

Ngā momo wāhi i rō te marae:

• He whare rorohiko, na Te Whanake Mauiri Tu mō ngā tauira ki te whakamahi i ā rātou akoranga
• Ko te ruma Matariki he wahi mō ngā akoranga whāiti
• Ko te wharenui he wāhi hei wānanga mō ngā akoranga whānui
• Ko te wharekai he wāhi whakawhanaungatanga mo te whānau katoa.

No reira nau mai haere mai ki ngā poupou o tō whare o Te Herenga Waka. Kia kaua e wareware kei runga mātou i a pukamata, reira ai ngā tūranga hirahira.

Mauri ora!