“Ehara taku toa i te takitahi, engari he takitini”

E ngā reo, e ngā mana, e ngā waka tēna koutou katoa.Ko te tāhuhu o tēnei pukapuka ka noho i waenganui i ngā kaipukumahi, i ngā kaiwhakahaere kua whanake i tēnei perihitanga.He kupu whakamiha tēnei ki a koutou kua kaha taunaki mai i tēnei kaupapa. Me mihi ka tika ki a koutou. Ki ngā whānau hora ai i tēnei whare wānanga a Te Herenga Waka, Te Pūtahi Atawhai, Te Mana Ākonga, Ngā Rangahautira, Te Kōmiti Whakahaere o Ngāi Tauira ,a ki a Te Ahu Rei mo ngā kupu whakakipakipa.

He mihi whakamoemiti ki ngā kaituhi, ki ngā kaitito:

Vincent Olsen-Reeder, Kieran Gera, Tanja Schutz, Jamie Yeates, Raihania Tipoki, Geneveine Wilson, Alana Te Piki Broughton, Tayla Cook, Tawhana Chadwick, Elijah Pue, Tama Gray-Sharp, Joshua James, Mikaia Leach, Hine Parata-Walker, Callum Rei-McDougall, Ahi Marino-Dawson, Allandria Puna, Te Mihinga Tukariri,Lee Kershaw, Ben Appleton, Roger Steele rātou ko te kāhui ākonga onamata. He mihi matakuikui hoki ki ngā roopu tōrangapū kua whakamana i o rātou ake pāti.

He mihi kau ana ki ngā kaiwhakapakari, kaiwhakatika reo kua awhi mai ki te whakapai  i ngā kōrero kua tono mai. Ko Vincent Olsen-Reeder, Kristin Jerram koutou ko Joanna Morgan. He ruku hohonu tēnei momo mahi hei tiketike i Te Reo Māori.

He mihi whakamanawa tēnei ki te whānau o Salient. Nā koutou matou i arahi kia tipu pai ai tēnei kaupapa o Te Ao Mārama. No reira ki a koe Duncan McLachlan kōrua ko Cameron Price e kore te puna aroha e mimiti. He mihi hoki tēnei ki a koe e te kaitoi a Imogen Temm.

Kaore e kore he mihi whakamoemiti ki ōku hoa, ki tōku whanau kua akiaki, kua tautoko i ōku mahi i tēnei haerenga. Ahakoa ngā piki me ngā heke kua ea.

Ngā Mihi
Te Po Marie Hawaikirangi