Rurea taitea, kia tū ko taikākā anake

Rurea taitea, kia tū ko taikākā anake

Ka huri au ki Ahumairangi,

Heteri tipua, heteri tawhito

Kei ngā tātai ihoiho o ngā maunga whakahī o Tuawhakarere.

Tēnei te kōkō korokī o te Whānau o Te Herenga Waka

E nanaiore ana ki te piki ake i te ara tukutuku o Poutama

Kai mārō, nene o te tāmure.

Whītiki o  te kī, whakaniko o te kupu

Kia hū ai te pāorooro o te reo

Kia tahu ana te ainga ki tā te whatu manawa i wawata ai, koia!

— Nā Teurikore Biddle — Tūhoe

 
He wiki miharo, he wiki motuhake tēnei. Kua tae mai te wā ki te whakanui i te ara o te matauranga kua whai i ētahi o ō tatou tauira, ō tātou whānaunga i te whare wānanga. Anei te hunga i tae mai, ngā tipu ngā rea, ki ngā mahi o te whare wananga. Kua puta rātou ki runga, kua puāwai te kōwhai, ā, kei reira rātou e noho. Ko tēnei te mihi ki ngā tuakana kua puta atu, kua mau kaha ki ō rātou kaupapa, kua whai pai i ngā tohu. Kei te mihi hoki ki ngā tipuna, ngā whānau, me ēra atu tangata rātou e awhi i a tātou. Koutou mā, kei te takoto te mānuka, whai tonu i tō ara, haere kaha ki tō mahi. Tīhei Mauri Ora.